გერმანიის შინაგან საქმეთა მინისტრი თომას დე მეზიერი აცხადებს, რომ საფრანგეთის მსგავსი ტერაქტი შესაძლოა გერმანიაშიც მოხდეს .
"მინისტრის განცხადებით, გერმანია საშიშ მდგომარეობაშია. მისივე განცხადებით, მიუხედავად ყოველგვარი ძალისხმევისა, არ შეუძლია მოსახლეობისთვის იმის გარანტიის მიცემა, რომ ქვეყანაში მსგავსი არაფერი მოხდება", - წერს "როიტერი".
მინისტრის თქმით, ადამიანთა რიცხვი, ვინც შესაძლოა ტერორისტულ ორგანიზაციებთან კავშირში იყვნენ დიდია, როგორც არასდროს.
მეზიერის ინფორმაციით, 700-ზე მეტი ადამიანი გერმანიიდან იმისთვის წავიდა, რომ დაჯგუფება "ისლამურ სახელმწიფოს" შეუერთდნენ.
საფრანგეთის იზერის დეპარტამენტში, ერთ-ერთ გაზის სატუმბ საწარმოში მამაკაცმა ტერაქტი განახორციელა, რის შედეგადაც ერთი ადამიანი დაიღუპა და ორი დაშავდა.