რამდენიმე დღის წინ ცნობილი ამერიკული ჯგუფი “Blondie”-ეს ვოკალისტმა დები ჰარიმ და ჯგუფი “The Bad Seeds”-ის ლიდერმა ნიკ კეივმა ერთობლივი კომპოზიცია ჩაწერეს.
ეს სიმღერა განთავსდება ალბომში “The Jeffrey Lee Pierce Sessions Project – The Journey Is Long”. ეს ჩანაწერი ჯგუფი “The Gun Club”-ის დამაარსებლისა და ლიდერის ჯეფრი ლი პირსის ხსოვნას ეძღვნება.
კეივი-ჰარის დუეტმა კომპოზიცია “The Breaking Hands” შეასრულა. ეს სიმღერა “The Gun Club”-ის მიერ 1987 წელს ჩაწერილ ალბომში “Mother Juno” შედიოდა.
ახალი ალბომი დღის სინათლეს მიმდინარე წლის 9 აპრილს იხილავს.
ჯეფრი ლი პირსმა ჯგუფი “The Gun Club” წინა საუკუნის 70-იანი წლების დასასრულს ჩამოაყალიბა. მუსიკოსების სადებიუტო ნამუშევარი “Fire Of Love” 1981 წელს გამოვიდა.
ჯეფრი ლი პირსი 1996 წლის მარტში 37 წლის ასაკში გარდაიცვალა.
