აშშ-ის ყოფილი სახელმწიფო მდივანი, ჰილარი კლინტონი მზადაა 2016 წლის საპრეზიდენტო არჩევნებში მონაწილეობისთვის. ამის შესახებ ამერიკული მედია იტყობინება. გავრცელებული ცნობით, ის არჩევნებში კენჭისყრის შესახებ მომდევნო კვირების განმავლობაში ოფიციალურად განაცხადებს.
ექსპერტების განცხადებით, კლინტონი ერთ-ერთი ყველაზე ძლიერი კანდიდატი იქნება ”დემოკრატიული პარტიიდან”. ჰილარი კლინტონმა არჩევნებში მონაწილეობის შესახებ აქამდეც განაცხადა, თუმცა, ოფიციალურად საპრეზიდენტო მარათონში არ ჩაბმულა.
”რესპუბლიკელების” მხრიდან კი, არჩევნებში კენჭისყრის სურვილი გამოთქვა სენატორმა ტედ კრუზმა. ის პრაიმერში სავარაუდოდ, ჯორჯ ბუშ უფროსის ვაჟს, ჯებ ბუშს და ნიუ-ჯერსის გუბერნატორს, კრის კრისტის დაუპირისპირდება.
