ბიზნესმენი ჯონი გიგანი პროკურატურაში დაკითხვაზე დაიბარეს. ინფორმაცია, რომ გიგანას კითხვებს გია უდესიანთან დაკავშირებით დაუსვამენ, "ინტერპრესნიუსს" პროკურატურაში დაუდასტურეს.
ჯონი გიგანი აცხადებდა, რომ წინა ხელისუფლების ერთ-ერთი მაღალჩინოსანმა, გია უდესიანმა წლების წინ მას ესროლა, მაგრამ კბილაშვილის პროკურატურამ საქმეს მსვლელობა არ მისცა.
ბიზნესმენი ამბობს, რომ უდესიანმა მას 3 მეტრის სიშორიდან ესროლა და ტყვიამ შუბლთან გაუარა.
ჯონი გიგანი გარდაცვლილ ბესო ხარძიანის მეგობარია. ბესო ხარძიანი საკუთარ სახლთან 28 მარტს მოკლეს. ოჯახის წევრები მომხდარში გია უდესიანს ადანაშაულებენ.
