რუსეთის საზოგადოებრივი აზრის კვლევის ცენტრი ქვეყანაში არსებული მდგომარეობის შესახებ რუსეთის მოქალაქეთა რეიტინგს აქვეყნებს.
გამოკითხვის თანახმად, რუსების 69 % მიიჩნევს, რომ ქვეყანაში ვითარება საკმაოდ არასტაბილურია და მოვლენები, შესაძლოა, ყველანაირად განვითარდეს. 25 % მიიჩნევს, რომ მდგრადი ვითარებაა. 42 %-ის განცხადებით, ხშირად, ვერ იგებენ, რა ხდება ქვეყანაში და თავს უხერხულად გრძნობენ.
ამის მიუხედავად, ცენტრის გამოკითხვით, რესპონდენტების 57 % მომავალს იმედიანად უყურებს.
გამოკითხვა 2015 წლის 10-11 იანვარს ჩატარდა, რომლის დროსაც რუსეთის მასშტაბით 1600 ადამიანი გამოიკითხა.