ამერიკის პრეზიდენტი ბარაქ ობამა თავდაცვის მდივნის თანამდებობაზე აპირებს ეშტონ კარტერის კანდიდატურა წარადგინოს. ამის შესახებ "სი-ენ-ენ"-ი იუწყება. კარტერი 2011 წლის ოქტომბრიდან 2013 წლის დეკემბრამდე თავდაცვის მდივნის პირველი მოადგილე იყო. მანამდე კი პენტაგონის შეიარაღების შესყიდვების სამმართველოს ხელმძღვანელობდა.
აშშ-ს თავდაცვის მდივანმა ჩაკ ჰეიგელმა გადადგომის შესახებ 24 ნოემბერს განაცხადა, რომელიც ამ თანამდებობაზე 2013 წლის თებერვლიდან მუშაობდა. ახალი მინისტრის დანიშვნამდე, ის თავდაცვის მდივნად რჩება.
