„ეს ჩვენი ხელისუფლების კეკლუცობის ბრალია, როდესაც ჩვენი ხელისუფლება დასავლეთს ეკეკლუცება NATO-სა და ევროკავშირის წევრობასთან დაკავშირებით", - ამის შესახებ „გაერთიანებული დემოკრატიული მოძრაობის" ლიდერმა ნინო ბურჯანაძემ გადაცემა „არჩევანში"ოკუპირებულ აფხაზეთსა და რუსეთს შორის გაფორმებულ ე.წ. ხელშეკრულების შეფასებისას განაცხადა.

მისი განმარტებით, აფხაზები და ოსები მხოლოდ მას შემდეგ დაგველაპარაკებიან, როდესაც დამნაშავე მიხეილსააკაშვილი და „ნაციონალური მოძრაობა" 2008 წლის აგვისტოს ომისთვის დაისჯებიან.

„სამწუხაროდ, საქართველოს მოსახლეობის რაღაცა ნაწილმა თავისი არმისვლით ხელი შეუწყო ამ არჩევნებს,აირჩია ხელისუფლება, რომელიც აფხაზეთის პრობლემების მოგვარების ნაცვლად, 10 ლარით გვიზრდისპენსიას. აირჩია ხელისუფლება, რომელიც აბსოლუტურად არ არის კომპეტენტური ან გამბედავი, რომ რაიმეპრობლემა მოგვაროს. ამ ხელისუფლებას საერთოდ არ აქვს არც საშინაო და არც საგარეო პოლიტიკა, ეს ნათლადჩანს.

2008 წელს „ნაციონალურმა მოძრაობამ" გვაზეიმა აგვისტოს ომის „მოგება", დღევანდელი ხელისუფლება კიგვეუბნება, რომ რუსეთსა და აფხაზეთს შორის ამ ხელშეკრულების გაფორმება ასევე მოგება ყოფილა. ეს ეტყობაწყევლაა, რომელიც საქართველოს და საქართველოს მოსახლეობას გვაქვს, ალბათ, იმ შეცდომების გამო, რასაცჩვენ ყველანი ვუშვებთ, როდესაც საარჩევნო ყუთთან მივდივართ და ვინმეს ხათრით ვაკეთებთ არჩევანს და არვუკვირდებით, ამ გადაწყვეტილებამ რა შეიძლება ხვალ და ზეგ  მოიტანოს", - განაცხადა ბურჯანაძემ.