დღეს უკრაინის კრიზისზე ნატო-ს საბჭოს საგანგებო სხდომა გაიმართება. სააგენტო "უნიანის" ინფორმაციით, სხდომის სასწრაფოდ მოწვევის მიზეზი უკრაინაში რუსეთის სამხედრო აგრესია გახდა.
გუშინ ასევე გაიმართა გაერო-ს უშიშროების საბჭოს საგანგებო სხდომა, ხოლო შვეიცარიამ, რომელიც ეუთო-ს თავმჯდომარე ქვეყანაა, ეუთოს მუდმივი საბჭოს სხდომა მოიწვია.
28 აგვისტოს დონეცკის ოლქის ქალაქი ნოვოაზოვსკი და ქალაქში მდებარე დასახლებული პუნქტები რუსმა სამხედროებმა დაიკავეს. ეს ფაქტი უკრაინაში რუსეთის შეჭრად შეფასდა.
