ოზურგეთის რაიონის სოფელ დვაბზუს ორ სკოლაში მოსწავლეებისა და მასწავლებლების ევაკუაცია მოხდა. როგორც "ინტერპრესნიუსს" გურიის გუბერნატორმა, ვალერი ჩიტაიშვილმა განუცხადა , რამდენიმე წუთის წინ, ცხელ ხაზ 112-ზე შეტყობინება შევიდა, სოფელ დვაბზუს სკოლაში ნაღმის არსებობის შესახებ. მისივე თქმით, ვინაიდან, დვაბზუში ორი სკოლაა, ამიტომ ორივე სკოლის ევაკუაცია გახდა საჭირო.
ჩიტაიშვილის ინფორმაციით, სკოლებთან სამართალდამცავები იმყოფებიან და მალე განმაღმველიც მივლენ.
