საქართველოს ტერიტორიაზე შესაძლოა აშენდეს ახალი სატრანზიტო გაზსადენი, რომელიც აზერბაიჯანული გაზის თურქეთში და შემდგომ ევროპაში ტრანსპორტირებას უზრუნვეყოფს.

ამის შესახებ აზერბაიჯანული საინფორმაციო სააგენტო APA "აზერბაიჯანის სახელმწიფო ნავთობკომპანიის" (SOCAR) საინვესტიციო სამმართველოს უფროსზე, ვაგიფ ალიევზე დაყრდნობით წერს.

მისი განმარტებით, ახალი გაზსადენის მშენებელობას, ან არსებული, ბაქო-თბილისი-ერზერუმის გაზსადენის გამტარუნარიანობის ზრდას პროექტი "შაჰდენიზი - 2" ითვალისწინებს, რომლის მიხედვითაც აზერბაიჯანიდან თურქეთში გაზის მიწოდების მოცულობა მნიშვნელოვნად უნდა გაიზარდოს. 

"ახალი გაზსადენის მშენებლობაში შესაძლოა "შაჰ-დენიზის" კონსორციუმში შემავალი რამდენიმე კომპანია ჩაერთოს. პროექტის განხორციელება ტექნიკურ-ეკონომიკური დასაბუთების დოკუმენტზეა დამოკიდებული. ახალი მილსადენის წლიური გამტარუნარიანობა მინიმუმ 16 მლრდ კუბ. მეტრი უნდა იყოს", - განაცხადა ალიევმა.
фрукт баша
APA წერს, რომ ახალი მილსადენი აზერბაიჯანის, საქართველოს, თურქეთის სამხრეთი ნაწილის, ბულგარეთის და საბერძნეთის დამაკავშირებელი იქნება.

აზერბაიჯანულმა მედიამ ასევე SOCAR-ის პრეზიდენტის, როვნაგ აბდულაევის კომენტარი გაავრცელა, რომლის მიხედვითაც, ახალი გაზსადენი ხელს არ შეუშლის "ნაბუკოს" პროექტის განხორციელებას, ვინაიდან აღნიშნული მისალდენით არა მხოლოდ აზერბაიჯანული, არამედ კასპიის ზღვისპირა ქვეყნებში მოპოვებული გაზის ტრანსპორტირება იგეგმება.