ბათუმში, შოთა რუსთაველის სახელმწიფო უნივერსიტეტთან სტუდენტების საპროტესტო აქცია მიმდინარეობს. საპროტესტო აქციაზე სკანდირებენ - „არა ძალადობას“, „ვგმობთ გისოსებს მიღმა პატიმართა წამებას“, „არ შეეგუო“, „გამოიძიე“, „ სამშობლოს გვიუპატიურებენ“.
სტუდენტების აქციას სასულიერო პირები, სხვადასხვა არასამთავრობო ორგანიზაციებისა და მწერალთა კავშირის წევრები, საზღვაო აკადემიის, ხელოვნების უნივერსიტეტის სტუდენტები და სკოლის მოსწავლეები შეუერთდნენ.
