თავდაცვის სამინისტრო მედიასა  და  პოლიტიკურ პარტიებს ქართული არმიით  სპეკულაციის შეწყვეტისკენ მოუწოდებს

თავდაცვის სამინისტრო მედიასა და პოლიტიკურ პარტიებს ქართული არმიით სპეკულაციის შეწყვეტისკენ მოუწოდებს

საქართველოს თავდაცვის სამინისტრო მედიის წარმომადგენლებსა და სხვადასხვა პოლიტიკურ პარტიებს ქართული არმიის მიმართ, ყოველგვარი სპეკულაციების შეწყვეტისკენ მოუწოდებს.

ამის შესახებ თავდაცვის სამინისტრო განცხადებას აქვეყნებს.

განცხადებას from.ge უცვლელად გთავაზობთ.

„დღეს ტელეკომპანია „მე-9 არხი“-ს საინფორმაციო გამოშვებაში გავიდა მცდარი ინფორმაცია იმის შესახებ, რომ საქართველოს შეიარაღებული ძალების სახმელეთო ჯარების ІІ საარტილერიო ბრიგადის კაპრალი გიორგი ზაზას ძე ბოკელავაძე „ქართული ოცნების“ აქციაზე ყოფნის დროს კოალიცია „ქართულ ოცნების“ რიგებს შეუერთდა.

საქართველოს თავდაცვის სამინისტრო აცხადებს, რომ კაპრალი გიორგი ზაზას ძე ბოკელავაძე არ ირიცხება საქართველოს შეიარაღებული ძალების რიგებში. ეს ინფორმაცია არ შეესაბამება სიმართლეს,  არის სრული დეზინფორმაცია და ტყუილი. კაპრალი გიორგი ზაზას ძე ბოკელავაძე შეიარაღებული ძალებიდან დათხოვნილია 2012 წლის 10 მაისიდან.

საქართველოს თავდაცვის სამინისტრო მოუწოდებს მედიის წარმომადგენლებსა და სხვადასხვა პოლიტიკურ პარტიებს შეწყვიტონ ყოველგვარი სპეკულაციები ქართული არმიის მიმართ“, - ნათქვამია თავდაცვის სამინისტროს მიერ გავრცელებულ განცხადებაში.