პოლიტიკური კოალიცია „ქართული ოცნება“ საარჩევნო კამპანიას 29 სექტემბერს, თბილისში აქციით დაასრულებს. ამის შესახებ ჟურნალისტებს კოალიციის პრესსპიკერმა, მაია ფანჯიკიძემ განუცხადა.
„არჩევნები 1-ელ ოქტომბერსაა, შესაბამისად, 30 სექტემბერს საარჩევნო კამპანიის ფარგლებში ყველანაირი ქმედება იკრძალება, ამიტომ, გადავწყვიტეთ, 29 სექტემბერს საარჩევნო კამპანია თბილისის აქციით დავხუროთ“ - განაცხადა პრესსპიკერმა.
ბლოკმა „ბიძინა ივანიშვილი-ქართული ოცნება“ თბილისის მერიაში 29 სექტემბერს 02.00 საათიდან 23.00 საათამდე, მანიფესტაციის ჩატარების თაობაზე განცხადება დღეს შეიტანა.
კოალიციაში იმედს გამოთქვამენ, რომ აქცია ისეთივე მასშტაბური იქნება, როგორც 27 მაისს იყო.
