იმისათვის, რომ გემოვნებით გეცვათ, საჭირო არაა, გარდერობი გადატენილი გქონდეთ სამოსით. ჩვენ გასწავლით ხრიკებს, რომლებიც აუცილებლად გამოგადგებათ.
1. შეიძინეთ საბაზო ნივთები - დიდხანს გაგიძლებთ და მუდამ მოდურია.
2. ნუ დააბანდებთ ფულს ტრენდში - ის, რაც მოდურია ამ სეზონზე მეორე სეზონზე არავის გაახსენდება. იყიდეთ სამოსი, რომელსაც წლები ჩაიცვამთ.
3. ნაკლები ლოგოტიპი - ნუ გახდებით მოსიარულე რეკლამა. სამოსი უნდა შეთავსოთ ერთმანეთს და არა ლოგოები.
4. იპოვეთ მკერავი - შეიკერავთ უნიკალურ, სხეულზე მომდგარ სამოსს.
5. სწორად გარეცხეთ - ზოგიერთ სამოსს ხელით გარეცხვა სჭირდება. მოუარეთ მათ და უფრო დიდხანს გაგიძლებენ.
6. ნუ გარეცხავთ ხშირად - წყალი და ფხვნილი სამოსიდან ფერს გამოდევნის და ქსოვილს აზიანებს.
7. დააუთოეთ - უთო ადვილად გადააქცევს იაფფასიან ნივთს მდიდრულად.
8. იპოვეთ თქვენი ფერი - შავი, რა თქმა უნდა, სოლიდური ფერია, მაგრა, მასზე იდეალურად ჩანს ცხოველების ბეწვი, მტვერი.
9. მოსაცმელი - ქურთუკი, ლაბადა ან პალტო თქვენს იდეალურ ლუქს უნდა გამოხატავდეს.
10. დააფასეთ აქსესუარები - კლასიკური ბროში ან აბრეშუმის შარფი ჯინსსა და მაისურშიც კი იდეალურად წარმოგაჩენთ.
11. კლასიკა მუდამ მოდაშია - ფეხსაცმელი და ჩანთა ერთ ტონში უნდა გქონდეთ. ნუ ჩაიცვამთ ძალიან გრძელ შარვალს, ფეთხუმს რომ არ დაემსგავოთ. ნამზეურის ფერის კოლგოტი - "რომელი საუკუნეა?!"
12. მდიდრული ღილი - ყურადღება მიაქციეთ დეტალებს, რაც დახვეწილობას უსვამს ხაზს. ძვირფას ბლუზას პლასტმასის ღილებით ნუ გააუბრალოებთ; მეტალის ჩაანაცვლეთ სადაფით.
13. ხარისხიანი თეთრეული - მართალია, არ ჩანს, მაგრამ სამოსის ქვევიდან უშნოდ რომ არ გამოიკვეთოს, იყიდეთ ხარსხიანი და კარგად მოუარეთ.
14. ფურნიტურა - სამოსის შეძენისას შეამოწმეთ ყველა ელვა და კნოპი. ხარისხიან სამოსს იაფფასიანი ფურნიტურა არ უნდა ჰქონდეს. აგრეთვე, ყურადღება მიაქციეთ ქსოვილის ნაკერს.
15. ჩაიცვით ის, რაც მოგწონთ - სამოსი, რომელშიც თავდაჯერებულად გრძნობთ თავს, კარგად გამოიყურება.
