ჟურნალისტი თამუნა ლეფსვერიძე facebook-ზე წერს:
„აუუ, აი, ზაზა ბიბილაშვილი ხო არავის უყიდია და აკო მინაშვილი!
ჰოდა, გამოდი ახლა და მოყევი, მაგათ რატო დაგაპაშოლეს რა!
კაი, გვარამიას და კვესიტაძეს რომ ეს კითხვა არ უჩნდება, გასაგებია, მარა ვისაც გვიჩნდება, გაგვეცი ერთი პასუხი!“ - წერს ლეფსვერიძე.
საქართველოს ექს-პრეზიდენტი მიხეილ სააკაშვილი facebook-ის გვერდზე „ნაციონალური მოძრაობიდან“ წასვლის თაობაზე „გირჩის“ ლიდერის ზურა ჯაფარიძის განცხადებას ეხმაურება. როგორც სააკაშვილი აღნიშნავს, პალიკო კუბლაშვილმა ჩაატარა მოლაპარაკებები, ხოლო სპონსორად და რამდენიმე მილიონის წყაროდ ივანიშვილი მოევლინათ.
„ზურა ჯაფარიძეს დაუგინებია ფულის გამო კი არა, სააკაშვილთან იდეური შეუთავსებლობის გამო წავედი ნაციონალური მოძრაობიდანო.
კაცი იყო პოლიტიკური მდივანი, ე.ი, თავად განსაზღვრავდა პოლიტიკურ კურსს და ერთხელ ვინმეს გაგიგიათ, რომ ოდესმე რაიმე ჩემგან განსხვავებული ეთქვას, ან კენჭისყრაზე მაინც დაეყენებინა რამე საკითხი მანამ, სანამ პარტიიდან გასვლის თაობაზე განცხადებას გააკეთებდა?
ამის ახსნა, სამწუხაროდ, ძალიან მარტივი და ბანალურია-პალიკო კუბლაშვილმა ჩაატარა მოლაპარაკებები, ხოლო სპონსორად და რამდენიმე მილიონის წყაროდ ივანიშვილის მითითებით მოევლინათ ზესტაფონის წილის ერთ-ერთი მფლობელი, რომელსაც მანამდე არ აძლევდნენ წილის გატანის უფლებას, სანამ პოლიტიკას კარგად დაფინანსებული „გირჩი“ არ მოევლინა.
„იდეურ განსხვავებებს“ ეგენი 3 მილიონ დოლარს უწოდებენ. ოღონდ, იცოდეთ ბიჭებო, ივანიშვილი ტყუილად არაფერს იძლევა და ესეც საგანგებოდ დოკუმენტირებული აქვს და როგორც მანაფორტის საქმეზე გახდა ყველაფერი ცნობილი უკრაინაში, ზუსტად ასევე სულ მალე დოკუმენტურად დადასტურდება ეს ფაქტები საქართველოშიც და მერე ძალიან შეგრცხვებათ" ,-წერს სააკაშვილი სოციალურ ქსელში.
Share
