ჟურნალისტი ირაკლი შონია სოციალურ ქსელში წერს:
„აჰაა რატომაც არა, აფსუებისთვის ხომ ის განმათავისუფლებელია... ისე სოხუმში არა და თბილისში მინახია არძინბა ორად მოხრილი რომ შედიოდა ზვიად გამსახურდიას კაბინეტში! რას გაბედავდა მაშინ!“ - წერს შონია.
შეგახსენებთ, რომ დე ფაქტო აფხაზეთში გამოუშვეს პირველი ქაღალდის ფული დე ფაქტო პირველი პრეზიდენტის, ვლადისლავ არძინბას გამოსახულებით.
ბანკნოტის დამზადება საქართველოსთან „გამარჯვების“ 25 წლისთავს ეძღვნება. პირველი ქაღალდის ფული - 500 აფსარის (500 “აფსარი”- 5 ათასი რუსული რუბლის ექვივალენტი – დაახლოებით, 73 აშშ დოლარი) უკანა ფონზე აფხაზი მებრძოლები ჩანან, ხელში აფხაზური დროშით. აქ ნახავთ შვიდ ვარსკვლავსაც, რომელიც „სახელმწიფო“ სიმბოლიკაზეა დატანილი.
