აშშ-ში, ნიუ-ჯერსიში თვითმხილველებმა გადაიღეს, როგორ მიძვრებოდა ენოტი საცხოვრებელ კორპუსზე. ცხოველი დაახლოებით მე-10 სართულამდე ავიდა და გადმოვარდა. ამის შესახებ Foxnews-ი წერს.
„თვითმკვლელის ნახტომი“ - ასე ასათაურებს ამერიკული მედია ენოტის გამოვარდნას.
ცხოველი კორპუსთან ქვიშაზე დაეცა, რამაც თვითმხილველების მძაფრი ემოცია გამოიწვია, თუმცა დაცემისთანავე წამოხტა და გაიქცა.
ეს არაა პირველი შემთხვევა, როცა მაღალ შენობაზე ამძვრალი ენოტი ვიდეოზე დააფიქსირეს; 12 ივნისს ათასობით ამერიკელი აკვირდებოდა ენოტს, რომელიც შტატ მინესოტაში ცათამბრჯენზე ძვრებოდა. ცხოველი შენობის ფასადზე მიცოცავდა, სანამ სახურავს არ მიაღწია, სადაც მას მაშველები ელოდებოდნენ. ენოტი 2 დღის უჭმელი იყო.
