პარლამენტში, იურიდიულ საკითხთა კომიტეტის სხდომაზე მარიხუანას მოხმარების შესახებ კანონპროექტს განიხილავენ. სხდომას სასულიერო პირებიც ესწრებიან.
სხდომაზე დეკანოზმა დავით ლასურაშვილმა საკონსტიტუციო სასამართლოს მოსამართლეებს მიმართა:
"კითხვას ვსვამ, საკონსტიტუციო სასამართლოს ოთხ მოსამართლეს რომ ვუთხრათ, თქვენს ოჯახებში არ გამოლეულიყოს ჯაფარიძისნაირებიო, წყევლად თუ მიიღებენ... ბოდიშს ვიხდი, ირონიისთვის არ გეუბნებით, გულისტკივილით ვამბობ, გული გაგისკდება – იმ საკონსტიტუციო სასამართლოს ოთხ მოსამართლეს, ტურავას და სხვებს ოჯახები არ ყავთ? ასეთ კითხვას ვსვამ, ამ ადამიანებს, ოთხ მოსამართლეს და მათ მიმდევრებს და ვინც იცავს მათ გადაწყვეტილებას, თუნდაც დეპუტატები ბრძანდებოდეთ, რომ უთხრათ, რომ დალოცოთ ასე - თქვენ ოჯახებში არ გამოლეულიყოს ჯაფარიძისნაირად თავისუფლად განვითარებული პერსონებიო, ამას წყევლად მიიღებენ თუ თავდაცვად"- განაცხადა სასულიერო პირმა.
