დაუგ ფილდმა Tesla დატოვა და კვლავ Apple-ში დაბრუნდა. ილონ მასკის კომპანიაში ის ინჟინერიის ვიცეპრეზიდენტის თანამდებობას იკავებდა. ამის შესახებ Reuters-ი წერს.
ფილდი Tesla-დან ერთი თვის წინ წამოვიდა. გუშინ კი Reuters-ს განუცხადა, რომ Apple-ში ბრუნდებოდა.
დაუგ ფილდი ბობ მენსფილდთან ერთად იმუშავებს. მენსფილდი Apple-ის უპილოტო ავტომობილების პროექტ Titan-ს უდგას სათავეში. მანამდე ორივე მათგანი Mac-ის კომპიუტერების საინჟინრო სფეროში მუშაობდა.
ფილდმა Tesla-ში 5 წელი იმუშავა. უცნობია მისი გადაწყვეტილების ზუსტი მიზეზი.
