სახელგანთქმული ინგლისელი მწერალი ოსკარ უაილდი აზარტული თამაშების დიდი მოყვარული იყო და ამის გამო უსახსროდაც ხშირად დარჩენილა. ერთხელ პარიზის ერთ-ერთ კაზინოში მთელი თავისი დანაზოგი უკანასკნელ ფრანკამდე წააგო. ჯიბეში აღარაფერი დარჩა, თუმცა ჭეშმარიტი ინგლისელი ჯენლტმენისათვის დამახასიათებელი ღირსება და იუმორის გრძნობა არ დაუკარგავს - კაზინოდან გამოსვლისას კართან მდგომ შვეიცარს მიუახლოვდა და უთხრა:
- სერ, შეგიძლიათ ოცფრანკიანი მასესხოთ?
- სიამოვნებით, სერ, - მიუგო შვეიცარმა, რომელმაც ჯერ გაიკვირვა, შემდეგ კი მაინც გაუწოდა მონეტა.
- არ არის საჭირო, ეს თქვენი ფეხის ქირაა, - ხელი აუქნია მწერალმა
მისი სიტყვებით კიდევ უფრო გაკვირვებულ შვეიცარს.
