საქონლის ენა ორიგინალურად

საქონლის ენა ორიგინალურად

გასუფთავებულ საქონლის ენას დავასხათ ცხელი წყალი და ვხარშოთ ნელ ცეცხლზე დაახლოებით 2 საათი. ამოვიღოთ, გადავავლოთ ცივი წყალი, მოვაცილოთ კანი და დავჭრათ თხელ, წვრილ ნაჭრებად.

კარაქში მოვშუშოთ ხახვი, ჩავყაროთ წვრილად დაჭრილი ენა, პურის ფქვილი და გავაგრძელოთ შუშვა. დავამატოთ დაჭრილი პომიდორი (ან ტომატი), 5-10 წუთი დუღილის შემდეგ – არაჟანი.

შევაზავოთ ტარხუნით, ოხრახუშით, კამით, მარილით, პილპილით; მოვასხათ ღვინის ძმარში გათქვეფილი კვერცხი და შევდგათ ღუმელში. სუფრაზე მიტანისას მოვასხათ გამდნარი კარაქი და მოვაყაროთ დაკეპილი კამა და ოხრახუში.

ინგრედიენტები:

ძროხის ენა – 1 ცალი,

კარაქი – 100 გრამი,

პომიდორი (ტომატი) 400 გ (1 ჩ/ჭ),

კვერცხი – 3-4 ცალი,

მწვანილი – 3-3 ძირი,

ხახვი – 3-4 თავი,

არაჟანი – 500 გ,

ძმარი – 2 ს/კ,

მარილი და პილპილი გემოვნებით.

მისაყოლებლად რეკომენდირებული ღვინო: წინანდალი.