ტელეკომპანია „თრიალეთის" თოქ-შოუ „რეალობაში", „ევრაზიული არჩევანის" წარმომადგენლის არჩილ ჭყოიძის და არასამთავრობო ორგანიზაცია „აპრიორის" წარმომადგენლის კამათი ფიზიკურ დაპირისპირებაში გადაიზარდა. სიტუაციის განმუხტვის მიზნით, გადაცემა დროებით შეწყვიტეს.
გადაცემა ოკუპირებულ აფხაზეთთან გაფორმებული სამოკავშირეო ხელშეკრულებას ეხებოდა.
არჩილ ჭყოიძეს საუბრისას ოპონირებას არასამთავრობო ორგანიზაციის წარმომადგენელი გელა გაბელია უწევდა, რა დროსაც ჭყოიძემ ოპონენტს დაწყნარებისკენ მოუწოდა. ამის შემდეგ მათ შორის ფიზიკური დაპირისპირება დაიწყო.
ცნობისთვის, გელა გაბელია აფხაზეთის ავტონომიური რესპუბლიკის მთავრობის აპარატის ყოფილი თანამშრომელია, რომელიც მთავრობაში ყოლბაიას მოსვლის შემდეგ სამსახურიდან რეორგანიზაციის საფუძველზე გაათავისუფლეს.
