მსახიობ სადალსკის რუსეთის ხელისუფლება დაუპირისპირდა

მსახიობ სადალსკის რუსეთის ხელისუფლება დაუპირისპირდა

საქართველოსა და რუსეთის მოქალაქეობამ “სკანდალის მეფეს“, მსახიობს სტანისლავ სადალსკის რუსულ კინოში გადაღების საშუალება წაართვა. ამის შესახებ გამოცემა “პერვაია გაზეტა“ წერს. “კინემატოგრაფიაში მუშაობა აკრძალული მაქვს, რადგან საქართველოს მოქალაქე ვარ, მე ორმაგი მოქალაქეობა მაქვს და ამიტომ ტაბუ დამადეს“, –  განაცხადა სადალსკიმ.

“სკანდალის მეფის“ ტიტულის შესახებ სადალსკიმ განაცხადა, რომ უაღრესად პატიოსანი ცხოვრების გამო, ეს წოდება საკუთარ თავს თვითონ მიანიჭა. “ეს თვითონ მოვიფიქრე, რადგან იცით, რომ არსებობენ შანსონის, რუსული სიმღერის მეფეები... მეც გავყევი პოპულარობის ტალღას და ვთქვი: “მე სკანდალის მეფე ვარ“.

სინამდვილეში უბრალოდ ვცდილობ, ვიყო პატიოსანი, არასდროს ვიტყუები, ადამიანებს სიმართლეს თვალებში ვეუბნები. ბევრს ეს არ მოსწონს. სხვებს ეშინიათ ვინმეზე სიმართლის თქმის, მე კი არ მეშინია“, - განაცხადა საქართველოს სახალხო არტისტმა სტანისლავ სადალსკიმ.