დეზინფორმაცია - ასე ეხმიანებიან ეკა ბესელია და გუგული მაღრაძე სოციალური ქსელით გავრცელებულ ინფორმაციას, რომლის მიხედვით, დეპუტატებმა სტრასბურგში რუსეთის წინააღმდეგ მოსალოდნელ სანქციას მხარი არ დაუჭირეს.
საუბარია იმ რეზოლუციის პროექტზე, რომელიც ევროსაბჭოში რუსული დელეგაციისთვის ხმის უფლების ჩამორთმევას ითვალისწინებს. ბესელია და მაღრაძე ამბობენ, რომ გავრცელებული ცნობა სიმართლეს არ შეესაბამება, რადგან საქართველოს დელეგაცია რეზოლუციის პროექტს მთელი შემადგენლობით უერთდება.
