ყველანაირი საფუძველი არსებობს იმისა, რომ საკონსტიტუციო სარჩელი შევიდეს და საკონსტიტუციო სასამართლომაც იმსჯელოს, მიიღოს ობიექტური გადაწყვეტილება, - განუცხადა ჟურნალისტებს იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ „ნაციონალური მოძრაობისა" და მისი სატელიტი პარტიების არაკონსტიტუციურად გამოცხადებასთან დაკავშირებით.
არჩილ გორდულაძის თქმით, საგამოძიებო კომისიის მიმდინარეობისას უკვე გამოკვეთილია მთელი რიგი ფაქტობრივი გარემოებები, რომლებიც ქმნის საფუძველს, რომ სარჩელი შევიდეს.
„უდიდესი მტრული დამოკიდებულებების და პირდაპირ კანონის, კონსტიტუციის უხეში დარღვევით ქმედებების გამო ეს პარტიები და ის ადამიანები, რომლებიც ამ პარტიების საქმიანობაში არიან ჩართულები, რა თქმა უნდა, კანონგარეშეა. შესაბამისად, ყველანაირი საფუძველი არსებობს იმისა, რომ საკონსტიტუციო სარჩელი შევიდეს და საკონსტიტუციო სასამართლომაც იმსჯელოს, მიიღოს ობიექტური გადაწყვეტილება. ჩვენ ამის გჯერა.
ერთი საკითხია აქ აუცილებლად, რომ საგამოძიებო კომისიის მიმდინარეობისას უკვე გამოკვეთილია მთელი რიგი ფაქტობრივი გარემოებები, რომლებიც ქმნის საფუძველს, რომ სარჩელი შევიდეს“, - აღნიშნა მან.
