„როდესაც იკეტება რკინიგზა და ცენტრალური მაგისტრალები, ეს, პრაქტიკულად, მიმართულია ქვეყანაში ეკონომიკური კოლაფსის შექმნისკენ და იმისკენ, რომ მოქალაქეებს შეეზღუდოთ თავისუფლად გადაადგილების შესაძლებლობა. ამ შემთხვევაში, ნებისმიერ ქვეყანაში მოქმედებს შესაბამისი კანონი და საქართველოც, ბუნებრივია, ამ მხრივ გამონაკლისი არ არის“, - ამის შესახებ მედიასთან პარლამენტის ვიცე-სპიკერმა და „ხალხის ძალის“ თავმჯდომარე სოზარ სუბარმა განაცხადა.
მისი თქმით, ნებისმიერი შეკრება და მანიფესტაცია, რომელიც ჯდება კანონის ფარგლებში, იქნება დაცული. თუმცა, როგორც კი შეკრება მიიღებს კანონის საწინააღმდეგო ხასიათს, იქ კანონი იქნება ძალიან მკაცრი და პრინციპული.
„როგორც წესი, ასეთი, [დანაშაულებრივი] აქციების ორგანიზატორები არიან პოლიტიკოსები და პოლიტიკური პარტიები, რომლებიც საბოლოოდ ადგილზე არ ჩნდებიან და იმ ადამიანებს სწირავენ ციხისთვის, რომლებიც მათ ხმას მიჰყვებიან. ასეთი ძალიან ბევრი შემთხვევა გვინახავს და ამიტომ, სულ ვაფრთხილებთ აქციების მონაწილეებს - ნუ ენდობიან მათ ლიდერებს, რომლებიც დანაშაულისკენ უბიძგებენ. თუმცა, [მიუხედავად ამ გაფრთხილებისა], სამწუხაროდ, ზოგიერთი ადამიანი მაინც ჩადის დანაშაულს, რის შემდეგაც ეს ლიდერები მშრალზე რჩებიან, ხოლო ის ადამიანები, რომელთაც მათ მოწოდებებს დაუჯერეს, კანონის პირისპირ მარტოდმარტო, დაუცველები დგებიან.
ნებისმიერი შეკრება და მანიფესტაცია, რომელიც ჯდება კანონის ფარგლებში, იქნება დაცული. თუმცა, როგორც კი შეკრება მიიღებს კანონის საწინააღმდეგო ხასიათს, იქ კანონი იქნება ძალიან მკაცრი და პრინციპული“, - აღნიშნა სოზარ სუბარმა.
