„ხალხის ძალის" წევრი დავით ქართველიშვილი სოციალურ ქსელში ეხმიანება აშშ-ს სადაზვერვო საზოგადოების მოხსენებას, სადაც გამოთქმულია მოსაზრება, იმის შესახებ, რომ თუკი რესპუბლიკელი კანდიდატი არ აღიარებს აშშ საპრეზიდენტო არჩევნებში ვიცე-პრეზიდენტ კამალა ჰარისის გამარჯვებას, მოსალოდნელია მასობრივი პროტესტი და არ არის გამორიცხული მოწინააღმდეგე ბანაკებს შორის სისხლიანი დაპირისპირება.

„ამონაწერი აშშ-ს სადაზვერვო საზოგადოების მოხსენებიდან: „ტრამპის აჯანყებას ჩაახშობს ეროვნული გვარდია, არმია და აფროამერიკელები".

„თუ კანდიდატი (რესპუბლიკელი დონალდ ტრამპი) არ აღიარებს აშშ საპრეზიდენტო არჩევნებში ვიცე-პრეზიდენტ კამალა ჰარისის გამარჯვებას, თითქმის გარდაუვალია მასობრივი პროტესტი და არეულობები, მათ შორის შეიარაღებული შეტაკებები დამარცხებულის (კანდიდატი) მხარდამჭერებს შორის. ასევე მაღალია ალბათობა კანდიდატის "ვა-ბანკ" წასვლისა, მათ შორის სამხრეთ შტატებში შეიარაღებული აჯანყებისა და სეპარატიზმის გაღვივების ჩათვლით.

არმიის ეროვნული გვარდიის (ARNG) ძალების არასაკმარისი ძალების შემთხვევაში, სამოქალაქო ომის ნიშნების აღსაკვეთად, ასევე აშშ-ს სუვერენიტეტის შესანარჩუნებლად, ამჟამინდელი პრეზიდენტი (ბაიდენი), ობამას ადმინისტრაციის და მრჩეველთა (გუნდის) რეკომენდაციით, აამოქმედებენ ე.წ. "აჯანყების აქტს" (Insurrection Act). ეს პირდაპირი მოქმედების აქტი სახელმწიფოს მეთაურს აძლევს უფლებას გამოიყენოს შეიარაღებული ძალები ქვეყნის შიგნით (ტანკების, ავიაციის, სპეცრაზმისა და არტილერიის ჩათვლით) მაშინაც კი, თუ გუბერნატორები არ დათანხმდებიან აჯანყების ჩახშობას.

გარდა ამისა, განიხილება ოპერაცია - „აღშფოთების ცეცხლის“ (არაოფიციალურად "შავი ალი") განხორციელება.

მისი გეგმის მიხედვით, აფროამერიკელები და ლათინოამერიკელები (რომელთა კეთილდღეობა დამოკიდებულია დემოკრატიული პარტიის გამარჯვებაზე), ჩაერთვებიან ამბოხებულების წინააღმდეგ ბრძოლაში არაოფიციალურ და ოფიციალურ დონეზე. ანონიმურ გამოკითხვებზე დაყრდნობით, ექსპერტებმა შეაფასეს შეერთებულ შტატებში სამოქალაქო ომის შედეგად შესაძლო ზარალი:  მოსახლეობის 21%-მდე და ეკონომიკის 35%-მდე, ხოლო მსხვილი ბიზნესმენები, წინასაარჩევნო კამპანიის მწვავე ფაზის დაწყებამდე, საფონდო ბირჟის რისკების "ჰეჯირებას" ახდენენ და დამატებით აზღვევენ თავის ქონებას“," -  წერს დავით ქართველიშვილი.