მეჩვენება, რომ არასამთავრობო ორგანიზაციების მტკიცება, რომ „ქართულმა ოცნებამ“ გასული წლის არჩევნები ვერ მოიგო - რომ მათ მხოლოდ რაღაცნაირად მოტყუებით შეეძლოთ გამარჯვება, უკიდურესად არადამაჯერებელია, - წერს სიმონ ვეილის პოლიტიკური ფილოსოფიის ცენტრის პრეზიდენტი, პოლ გრენიერი, სტატიაში "მშვიდობა და "ქართული ოცნება"".

მისი განცხადებით, სანამ მმართველ პარტიასა და დასავლურ საგარეო პოლიტიკურ პრეფერენციებს შორის უთანხმოება არ გამოვლინდა, 2012 წლიდან "ქართული ოცნების" მიერ მოგებულ არც ერთ არჩევნებზე, დასავლეთს გამარჯვებების ლეგიტიმაცია კითხვის ნიშნის ქვეშ არ დაუყენებია. 

ასევე, სტატიის თანახმად, ძნელად მოსალოდნელი იყო, რომ "ქართული ოცნება" ამომრჩეველთა დიდ ნაწილს მხოლოდ იმიტომ დაკარგავდა, რომ მათ მტკიცედ უარყვეს კონფრონტაციული პოლიტიკა.

"„ქართულმა ოცნებამ“ შეინარჩუნა პოპულარობა და 2012 წლიდან არაერთხელ მოიგო არჩევნები. სანამ პარტიას დასავლურ საგარეო პოლიტიკურ პრეფერენციებთან უთანხმოება არ აღმოაჩნდა, მანამდე დასავლეთში არ არსებობდა მტკიცება, რომ ეს გამარჯვებები არალეგიტიმური იყო; ეს მხოლოდ მას შემდეგ მოხდა, როდესაც მათი მოსაზრებები გაიყო. უფრო მეტიც, ამ პერიოდის განმავლობაში საქართველო მუდმივად აფიქსირებდა დადებით ეკონომიკურ ზრდას. მსოფლიო ბანკის უახლესი სტატისტიკა, რომელიც მოვიძიე, 2023 წლისაა, სადაც მშპ-ს ზრდის ტემპი 6.7%-ს შეადგენდა. რამდენადაც მე შემიძლია დავადგინო, 2024 წლის შესაბამისი მაჩვენებელი კიდევ უფრო მაღალი იყო. გარდა ამისა, როგორც ჩემმა რამდენიმე თანამოსაუბრემ თბილისიდან ხაზი გაუსვა, ძნელად მოსალოდნელი იყო, რომ გასულ წელს „ქართული ოცნება“ მოულოდნელად დაკარგავდა ამომრჩეველთა დიდ ნაწილს მხოლოდ იმიტომ, რომ ისინი მტკიცედ უარყოფდნენ კონფრონტაციულ პოლიტიკას, რამაც ომი და უკრაინის თითქმის სრული განადგურება გამოიწვია!" - აღნიშნულია გრენიერის სტატიაში.