რუსეთის პრეზიდენტი ჩინეთში ჩავიდა. ქვეყანაში ვლადიმერ პუტინის ვიზიტი 4 დღის განმავლობაში გაგრძელდება. მონაწილეობას მიიღებს ტიანძინში შანხაის თანამშრომლობის ორგანიზაციის სამიტში, შემდეგ კი პეკინში გაემგზავრება, სადაც ჩინეთის პრეზიდენტ სი ძინპინს და ჩრდილოეთ კორეის ლიდერს კიმ ჩენ ინს შეხვდება.
პუტინი პეკინში საზეიმო აღლუმს დაესწრება, რომელიც მეორე მსოფლიო ომის დასრულების 80 წლისთავს ეძღვნება.
