ფეხბურთელების დროებითი სიყვარული დასრულდა - ამის მთავარი მიზეზი ერთია და ასე ჟღერს - მადლობა. ბულინგის ობიექტი ამჯერად ეროვნული ნაკრების კაპიტანი გურამ კაშიაა, რომელმაც გუნდის სახელით ბიძინა ივანიშვილს 30-მილიონიანი ჯილდოსთვის მადლობა გადაუხადა.
ბრძოლა სოციალურ ქსელში - კაპიტანს ისეთი ადამიანები დასცინიან, როგორიცაა თეა თუთბერიძე, ნიკო მანაგაძე და დავით („ტორნადო“) გაბუნია. საკითხს მმართველ გუნდში გამოეხმაურნენ. მათი განცხადებით, სიძულვილის კამპანია საზოგადოების შეფასების გარეშე არ დარჩება.
ანუ, ის სამკლაური რომ გაიკეთე, ახლა რატომ გვიღალატე. რატომ ისეთად არ დარჩიო.