საქართველოს ნაკრების ფორვარდის, ბუდუ ზივზივაძის განცხადებით, განწყობა ნაკრებში, როგორც ყოველთვის, არის ძალიან კარგი, საბრძოლო და ამაღელვებელი.
„უკვე 18-ში თამაში გვაქვს და ყველა მოუთმენლად ველოდებით, როდის დაიწყება შეხვედრა. ოცნება აგვისრულდა და აქ ვართ. ფეხბურთელები მზად ვართ და 18-ში მოედანზე ყველაფერს გავაკეთებთ“, - განაცხადა ბუდუ ზივზივაძემ.
ვილი სანიოლის გუნდი სადებიუტო შეხვედრას 18 ივნისს თურქეთის ნაკრებთან გამართავს, 22 ივნისს ჩეხეთს, ხოლო 26 ივნისს პორტუგალიას დაუპირისპირდება.
