„ლევერკუზენის“ მთავარმა მწვრთნელმა ჩაბი ალონსომ „ვერდერთან“ გამარჯვებისა (5:0) და გერმანიის ჩემპიონობის მოპოვების შემდეგ კომენტარი გააკეთა. როგორც მან თქვა, ამაყობს, რომ ამ კლუბის ისტორიის ნაწილი გახდა.
„ეს არის ძალიან განსაკუთრებული მომენტი კლუბისთვის. 120 წლის შემდეგ ბუნდესლიგის პირველად მოგება რაღაც განსაკუთრებულია. ფეხბურთელები ტოპკლასის არიან, ყველათი ძალიან ვამაყობ. ჩემთვის პატივია აქ მუშაობა.
მადლობა გულშემატკივრებს წარმოუდგენელი მხარდაჭერისთვის მთელი სეზონის განმავლობაში. ახლა ჩვენ მეტი გვინდა! ამ დღეს ვერ დავივიწყებთ, მაგრამ უკვე წარსულია, სეზონი კი, აქ არ დასრულებულა, ამ სეზონში დიდი მიზნები კიდევ გვაქვს.
ეს ტიტული ეკუთვნის ჩემს წინამორბედებსაც, კრისტოფ დაუმს, კლაუს ტოპმილერს, როჯერ შმიდტს და ბევრ სხვას. ძალიან ვამაყობ, რომ ლევერკუზენის ისტორიის ნაწილი ვარ“, - აღნიშნა ალონსომ.
შეგახსენებთ, რომ „ლევერკუზენი“ გერმანიის ჩემპიონი ისტორიაში პირველად გახდა.
