NBA-ში „ორლანდო მეჯიქმა“ „დეტროიტს“ უმასპინძლა, რომელიც ადვილად, 113:91 დაამარცხა.
მასპინძლებმა ოთხივე პერიოდში აჯობეს მეტოქეს და საბოლოოდ გამარჯვების მოპოვებაც არ გაუჭირდათ.
საუკეთესო პაოლო ბანკერო იყო, რომელმაც 29 ქულა, 8 მოხსნა და 5 პასი მიითვალა. „დეტროიტში“ ევან ფურნიე გამოირჩა. ფრანგმა კალათბურთელმა 17 ქულასთან ერთად 5 პასით დააგროვა.
გოგა ბითაძემ ამ შეხვედრაში მხოლოდ 3 წუთი ითამაშა. ქართველმა ცენტრმა საკუთარ გუნდს 2 ქულა, 1 პასი და 1 ჩაჭრა შესძინა. მან 4-დან 2 საჯარიმო ჩააგდო.
„ორლანდო“ აღმოსავლეთ კონფერენციაში 35 მოგებით და 26 წაგებით მეექვსე ადგილზეა, მომდევნო შეხვედრას კი 6 მარტს, სტუმრად „შარლოტთან“ გამართავს.
