კიანუ რივზის კოლეგა და დიდი ხნის მეგობარი სანდრა ბულოკი იმ ვარსკვლავთაგან ერთ-ერთია, რომელსაც მსახიობთან მრავალწლიანი ურთიერთობა აკავშირებს. სანდრამ და კიანუმ ერთმანეთი 1994 წელს ფილმ Speed-ის გადასაღებ მოედანზე გაიცნეს. მათ უამრავი საერთო მეგობარი ჰყავდათ, რაც იმას ნიშნავდა რომ ჰოლივუდში გამართულ ღონისძიებებზე ხშირად უწევდათ ერთმანეთის ნახვა.

ვარსკვლავების შესახებ ხშირად ვრცელდებოდა ხმები, რომ ერთმანეთს ჩუმად ხვდებოდნენ, თუმცა სანდრას აზრით რომანტიკული ურთიერთობა უარყოფითად აისახებოდა მათ მეგობრობაზე.

“კიანუ შესანიშნავი ადამიანია, ვგრძნობ, რომ მას დღემდე აქვს მეგობრული ურთიერთობა იმ ქალბატონებთან, რომლებსაც ადრე ხვდებოდა. არ მგონია მოიძებნებოდეს ისეთი ადამიანი, რომელსაც შეიძლება რამე ცუდი ჰქონდეს მასზე სათქმელი… ასე, რომ ჩემსა და კიანუს შორის რამე რომც მომხდარიყო, მაინც გადავარჩენდით ჩვენ ურთიერთობას. მეორეს მხრივ, ვერც კი ვხვდები რა იქნებოდა გადასარჩენი, ჩვენ ხომ ერთად გავიზარდეთ, ერთად ვმუშაოდით და პროფესიული კუთრით ვვითარდებოდით გადასაღებ მოედანზე. რაც უფრო დიდი დრო გადის, მით უფრო მეტი პატივისცემა მიჩნდება მის მიმართ. კიანუ ნამდვილად შესანიშნავი ადამიანია.” – სანდრა ბულოკი

როგორც ჩანს, ერთ-ერთი საუკეთესო თვისება, რაც კიანუ რივზს გააჩნია, ეს არის ადამიანების მოსმენა. როგორც ამერიკელი ლამაზმანი აღნიშნავს, კიანუ იმდენად უღრმავდება თითოეულ თემას, რომ ხშირად ხმას არ იღებს და მხოლოდ მოსაუბრის მოყოლილი ისტორიით ინტერესდება.

“კიანუ მართლაც შესანიშნავი მსმენელია, მაგრამ მისი სიჩუმე ზოგჯერ ჭკუიდან მშლის… მახსოვს, როდესაც პირველად შევხვდი, ძალიან ბევრს ვსაუბრობდით, როგორც კი სიჩუმე ჩამოწვებოდა, ვცდილობდი მაშინათვე შემევსო პაუზა, რომ თავი არ გვეგრძნო არაკომფორტულად. ზოგჯერ ვერც კი ვხვდებოდი ისე ვაგრძელებდი საუბარს, ხან საათობითაც კი. რაც უფრო მეტს ვლაპარაკობდი, მით უფრო გაკვირვებული მისმენდა. ვფიქრობდი, გაუაზრებლად ხომ არ მივაყენე შეურაცხყოფა ან რამე ხომ არ ვთვი ისეთი, რამაც ის გაანაწყენა… საუბრიდან ერთ ან ორ დღეში კიანუ ყოველთვის ბრუნდებოდა ჩემთან და მეტყობა “მე ვიფიქრე იმის შესახებ, რაც მითხარი” და ვხვდებოდი, რომ ის მართლა ინტერესდებოდა ჩემი ისტორიებით და ყველაფერი ახლოს მიჰქონდა გულთან.”

მიუხედავად იმისა, რომ სანდრა ბულოკისა და კიანუ რივზის ირველი თანამშრომლობიდან დიდი ხანი გავიდა, ამერიკელი ლამაზმანი მასთან ერთად კომედიური ჟანრის ფილმში თამაშზე დღემდე ოცნებობს.

„ვისურვებდი, სიცოცხლის ბოლომდე ერთხელ მაინც მეთამაშა კიანუ რივზთან ერთად კომედიურ ფილმში. ის ძალიან მხიარული ადამიანია… შეიძლება, როდესაც ეს მოხდება ჩვენ უკვე 75 წლისანი ვიყოთ, მე რადიკალურად შევიცვალო, მაგრამ ის მაინც ისეთი ხუმარა იქნება, როგორიც ახლაა, შეიძლება უკეთესიც.“

„ყოველთვის მზადაა როლს საკუთარი თავი მიუძღვნას, შეისწავლოს მისი დადებითი და უარყოფითი მხარეები, მას აქვს განსაკუთრებული ტექნიკა, რომლის მიხედვითაც გარკვეული პერიოდის განმავლობაში ცხოვრობს პერსონაჟის ცხოვრებით, ამიტომაც არის მისი როლები ყოველთვის ყველასგან გამორჩეული.“