აშშ-ის ყოფილმა პრეზიდენტმა, დონალდ ტრამპმა განაცხადა, რომ მზად არის, წარმომადგენელთა პალატის სპიკერის თანამდებობა მოკლე ვადით დაიკავოს. ინფორმაციას ამის შესახებ ტელეკომპანია Fox News-ი ავრცელებს.
მიმდინარე კვირაში წარმომადგენელთა პალატამ მხარი დაუჭირა კევინ მაკარტის სპიკერის თანამდებობიდან გადაყენებას.
"თუ ისინი [საჭირო] ხმებს ვერ მიიღებენ, მკითხეს, განვიხილავდი თუ არა [წარმომადგენელთა პალატის] სპიკერის თანამდებობის დაკავებას მანამ, სანამ ვინმეს უფრო ხანგრძლივი ვადით არ აირჩევენ, რადგან [2024 წლის] საპრეზიდენტო არჩევნებში მონაწილეობას ვაპირებ. [...] საჭიროების შემთხვევაში გავაკეთებ [ამას], თუ ისინი ვერ მიიღებენ გადაწყვეტილებას. ამას მხოლოდ პარტიის ინტერესებიდან გამომდინარე გავაკეთებ", - აღნიშნა ტრამპმა.
