ირანის ხელისუფლებამ სამშობლოში დააბრუნა 5 ამერიკელი, რომლებმაც ირანულ ციხეებში რამდენიმე წელი გაატარეს და ტყვეებად ითვლებოდნენ.
როგორც BBC წერს, სანაცვლოდ თეირანმა 6 მილიარდის აქტივებზე წვდომა მიიღო, რომელიც მანამდე გაყინული იყო. გარიგება კატარის შუამდგომლობით შეათანხმეს, რომლის ბანკებშიც აღნიშნული თანხა გადაირიცხა.
აშშ-ის მოქალაქეების გათავისუფლებას პრეზიდენტი ჯო ბაიდენი გამოეხმაურა და განაცხადა, რომ ისინი წლების განმავლობაში იტანდნენ "ტანჯვასა და გაურკვევლობას".