გაეროს გენერალურ ასამბლეაში მონაწილეობამდე, ნიუ იორკში ჩასულმა ვოლოდიმირ ზელენსკიმ დაჭრილი უკრაინელი სამხედროები მოინახულა.
მეგაპოლისის საუნივერსიტეტო კლინიკაში, უკრაინის პრეზიდენტი პირდაპირ აეროპორტიდან გაემგზავრა. დღესვე ზელენსკი გაეროს 193 წევრ ქვეყანას სიტყვით მიმართავს, შემდეგ კი, უკრაინის პრეზიდენტი ვაშინგტონში გაემგზავრება, სადაც მას თეთრ სახლში ჯო ბაიდენი უმასპინძლებს.
