თურქული „გალათასარაის“ არგენტინელმა ფორვარდმა მაურო იკარდიმ მსოფლიოში ყველაზე ძვირადღირებული ავტომობილი შეიძინა. ამის შესახებ Daily Mail-ი წერს.
30 წლის ფეხბურთელმა „როლს-როისში“ 26 მილიონი ევრო გადაიხადა. გამოცემის ცნობით, მსოფლიოში „ნავის კუდად“ (Boat Tail) წოდებული მოდელის მხოლოდ სამი ეგზემპლარი არსებობს. ერთი მათგანი რეპერ Jay-Z-ის, მეორე კი უცნობ ბიზნესმენს ეკუთვნის, რომელმაც დიდძალი ქონება მარგალიტის ინდუსტრიაში დააგროვა.
როგორც Daily Mail-ი აღნიშნავს, „ნავის კუდის“ ყველა დეტალი ადამიანის ხელით კეთდება და ერთი ავტომობილის აწყობას 4 წელი სჭირდება.
