ამერიკელი კინორეჟისორი კვენტინ ტარანტინო აცხადებს, რომ ბოლო ფილმზე „კინოკრიტიკოსზე“ მუშაობის დასრულების შემდეგ შესაძლოა მწერალი გახდეს. ამის შესახებ მან გამოცემა Deadline-თან ინტერვიუში განაცხადა.
ტარანტინო აცხადებს, რომ კინოინდუსტრიიდან საბოლოოდ წასვლა არ სურს. 60 წლის კინორეჟისორი არ გამორიცხავს, რომ სერიალის ან მოკლემეტრაჟიანი ფილმის შექმნაზე იმუშავებს, წიგნს დაწერს ან პიესის დადგმას შეეცდება.
გარდა ამისა, Deadline-თან ინტერვიუში ტარანტინომ ონლაინკინოთეატრები გააკრიტიკა და სტრიმინგსერვისების მუშაობას „უაზრო“ უწოდა.
