პოლიტიკური მიზნის მისაღწევად საპარლამენტო პროცედურების გამოყენება ძალიან სწორი და კარგია. ეს აუმჯობესებს საპარლამენტო ცხოვრებას. კმაყოფილი ვარ, რომ ახლა მართლა საქმით ვართ დაკავებული, – ამის შესახებ „გირჩის“ წევრმა, სანდრო რაქვიაშვილმა განაცხადა.
მისივე თქმით, ცუდია, როცა მმართველი გუნდი ცდილობს, პარლამენტში დროებითი საგამოძიებო კომისია არ შეიქმნას.
„ცუდია, როცა ამას ამორალური მიზნისთვის იყენებ; ცუდია, როცა „ქართული ოცნება“ მურუსიძესა და ჩინჩალაძეს იცავს და ცდილობს, კომისია არ შეიქმნას. თავისთავად კარგია, ორივე მხარე რომ ცდილობს, პროცედურები გამოიყენოს. ალბათ ამით ბევრი ამომრჩეველი მიხვდება, რომ პარლამენტში მუშაობას აზრი აქვს“, – განაცხადა სანდრო რაქვიაშვილმა.
