ნეტფლიქსზე მალე კლეოპატრას შესახებ დოკუმენტურ მინისერიალს ვიხილავთ. ოთხი სერიისგან შემდგარი Queen Cleopatra ეგვიპტის ბერძენი დედოფლის ცხოვრებისა და მმართველობის შესახებ მოგვითხრობს. სერიალის აღმასრულებელი პროდიუსერი და ასევე მთავარი როლის შემსრულებელი Emmy-ის მფლობელი ჯეიდა პინკეტ სმიტია. დედოფალი კლეოპატრას ტრეილერი სულ ცოტა ხნის წინ გავრცელდა.

"კლეოპატრა მსოფლიოში ყველაზე ცნობილი, ძლევამოსილი და არასწორად აღქმული ქალია — გაბედული დედოფალი, რომლის სილამაზემ და რომანტიკულმა ცხოვრებამ მისი მთავარი ნიშან-თვისება დაჩრდილა — ინტელექტი", — ვკითხულობთ სერიალის აღწერაში.

დედოფალი კლეოპატრა ნეტფლიქსის დოკუმენტური სერიალების სერიის, აფრიკელი დედოფლების, ნაწილია. პინკეტ სმიტთან ერთად, მასში მთავარ როლებს ადელ ჯეიმსი და კრეიგ რასელი განასახიერებენ.

"კლეოპატრა ის დედოფალია, რომელზეც ბევრმა იცის, მაგრამ არა სიმართლე", — ამბობს ჯეიდა, — "მას მეტისმეტად სექსუალიზებულად და ანგარებიანად წარმოაჩენენ, მაგრამ იგი ინტელექტით, სტრატეგიისა და მეთაურობის ნიჭით დაჯილდოებული მმართველი გახლდათ, რომელიც თავისი სამეფოს დასაცავად იბრძოდა. სერიალი მის ამბავს სიღრმისეულად მოგვითხრობს".

დედოფალი კლეოპატრას პრემიერა ნეტფლიქსზე 10 მაისს შედგება.