ბრაზილიის ნაკრების ყოფილმა ფეხბურთელმა ფრედმა მსოფლიოს ჩემპიონატის ნახევარფინალში ბრაზილიისა და არგენტინის ნაკრებების შეხვედრა ისურვა. როგორც მან თქვა, უნდა, რომ მომტირალი ლიონელ მესი ნახოს.
„მოუთმენლად ველოდები ბრაზილია-არგენტინის თამაშს მსოფლიოს ჩემპიონატის ნახევარფინალში. მეტსაც გეტყვით, მინდა, ქაოსი, ჩხუბი, ნეიმარის ბრწყინვალე თამაში და ცრემლიანი მესის ნახვა“, - თქვა ფრედმა.
შეგახსენებთ, რომ ფრედი თავის დროზე ბრაზილიის ნაკრების თავდამსხმელი იყო და ორ მუნდიალზეც ითამაშა - 2006 და 2014 წელს. ორივე შემთხვევაში მან მსოფლიოს ჩემპიონატზე გოლის გატანაც შეძლო.
