რომში გამართული საქველმოქმედო მატჩის შემდეგ ვეტერანმა არგენტინელმა ფეხბურთელებმა პაბლო საბალეტამ და კლაუდიო კანიჯამ ხვიჩა კვარაცხელიაზე მოკლე კომენტარები გააკეთეს.
„კვარაცხელია ძალიან ძლიერი მოთამაშეა, დიდებული თვისებებით და შესანიშნავი ტექნიკა აქვს. „ნაპოლისთვის“ ნამდვილად ბრწყინვალე შენაძენია, მან ჩემპიონთა ლიგაზეც შეძლო თავის წარმოჩენა და ამ დონის ფეხბურთელების წინააღმდეგ თამაში ყოველთვის რთულია“, - თქვა საბალეტამ.
„არ ვიტყვი, რომ სიურპრიზია, მისი თვისებებიდან გამომდინარე, მაგრამ „ნაპოლის“ ნამდვილად ძალიან კარგად შეეგუა და ძალიან მაღალ დონეზე თამაშობს“, - აღნშნა კანიჯამ.
