ლეგენდარულმა ფეხბურთელმა რიკარდო კაკამ იტალიურ მედიასთან ხვიჩა კვარაცხელიას შესახებ ისაუბრა. როგორც მან თქვა, ქართველი ძალიან სასიამოვნო სიურპრიზია და სამწუხაროა, რომ მსოფლიოს ჩემპიონატზე ვერ ითამაშებს.
„კვარაცხელია ძალიან მაგარია, სასიამოვნო სიურპრიზი. დასანანია, რომ ის და ერლინგ ჰოლანდი მსოფლიოს ჩემპიონატზე ვერ ითამაშებენ. მისი ფანტაზიით ყოველთვის ახერხებს ჩვენს გაოცებას, ქმნის განსხვავებას და თამაშში ისეთ გამოსავალს პოულობს, რასაც სხვები ვერ ხედავენ“, - თქვა კაკამ.
შეგახსენებთ, ხვიჩა კვარაცხელიამ მიმდინარე სეზონში ყველა ტურნირზე 16 მატჩში 8 გოლი გაიტანა, 8 საგოლე პასი გააკეთა და სამჯერ პენალტი მოიპოვა. აღსანიშნავია, რომ ქართველი ფეხბურთელი თამაშის მანერით კაკას არაერთმა სპეციალისტმა შეადარა.
