2022 წლის მსოფლიო ჩემპიონატის ორგანიზატორები ორჯერ მეტ თანხას გამოიმუშავებენ, ვიდრე დახარჯეს. ამის შესახებ ტურნირის ორგკომიტეტის თავმჯდომარემ, ნასერ ალ-ხატერმა განაცხადა.
„ასეთი მასშტაბის ტურნირის ჩატარებისას, სხვა ყველაფერთან ერთად, ქვეყანაში ტურისტული ნაკადიც მკვეთრად იზრდება. ასე იყო 2014 წელს ბრაზილიაში და 2018-ში რუსეთში.
სავარაუდო შემოსავალი დაახლოებით 17 მილიარდი დოლარი იქნება. ამას გამოვაკლოთ დანახარჯები, რომლებიც სხვადასხვა პროექტებს მოხმარდა, რაც დაახლოებით 8 მილიარდი დოლარია. ეს ნორმალური ციფრია და ნაკლებია, ვიდრე წინა ორი ტურნირისას დაიხარჯა.“ - ციტირებს ალ-ხატერის სიტყვებს Courrier International.
შეგახსენებთ, რომ ყატარის მსოფლიო ჩემპიონატი 2022 წლის 20 ნოემბრიდან 18 დეკემბრის ჩათვლით ჩატარდება.
