„რომას“ მთავარ მწვრთნელ ჟოზე მოურინიუს იტალიის ნაკრების თავდამსხმელის, ანდრეა ბელოტის გადაბირება სურს, რომელსაც „ტორინოსთან“ კონტრაქტი დაუმთავრდა და ამჟამად თავისუფალი აგენტია - წერს ტვიტერში ჟურნალისტი ალფრედო პედულა.
წყაროს ინფორმაციით, პორტუგალიელი სპეციალისტი პირადად ესაუბრა ბელოტის. მოურინიუ ფორვარდის ზაფხულის სატრანსფერო ფანჯრის დახურვამდე დამატებას ჩქარობს.
გასულ სეზონში ბელოტიმ სერია A-ში 22 მატჩი ჩაატარა, 8 ბურთი გაიტანა და ერთი საგოლე გადაცემა შეასრულა.
