საპარლამენტო უმრავლესობის წევრის, მიხეილ სარჯველაძის განცხადებით, გარდა იმისა, რომ საქართველოს მომდევნო სახალხო დამცველი მიუკერძოებელი და კვალიფიციური უნდა იყოს, უნდა შეეძლოს, ეფექტურად შეასრულოს მთავარი ფუნქცია - ადამიანი უფლებების დაცვაზე ზედამხედველობა.

„12-პუნქტიან გეგმაში ყურადღება ამ საკითხზეცაა გამახვილებული და ეს ერთ-ერთი ამოცანაა, რომელიც დასახული გვაქვს. მნიშვნელოვანია, რომ ბევრი კრიტერიუმის მიხედვით შეირჩეს სახალხო დამცველის ისეთი კანდიდატურა, რომელიც ყველაზე მეტად დამაჯერებელი იქნება - მიუკერძოებელთან და კვალიფიციურთან ერთად, ეფექტურად შეასრულებს ძალიან საპასუხისმგებლო ფუნქციებს, რომლებიც, სახალხო დამცველს კონსტიტუციის თანახმად ეკისრება. ეს გახლავთ ადამიანი უფლებების დაცვაზე ზედამხედველობა“, - აცხადებს მიხეილ სარჯველაძე.

გავრცელებული ინფორმაციით, ომბუდსმენის თანამდებობაზე, რამდენიმე კანდიდატურა განიხილება, მათ შორის, ყოფილი დეპუტატი ზაზა ხუციშვილი და ადამიანის უფლებათა დაცვის საკითხებში საქართველოს პრემიერ-მინისტრის მრჩეველი ნიკო თათულაშვილი.