კომპანია Universal Music Publishing Group-მა ბრიტანელი მომღერლის, სტინგის მუსიკალური ნაწარმოებების სრული კატალოგი შეიძინა.
„ეს არის ისტორიული და ყოვლისმომცველი შეთანხმება ბოლო 50 წლის განმავლობაში ერთ-ერთი ყველაზე წარმატებული მომღერლის კატალოგზე, რომელიც ეხება სტინგის ყველა სოლო ნამუშევარს და ჯგუფ The Police-სთან ერთად შესრულებულ სიმღერებს“, - აცხადებენ კომპანიაში.
საერთო ჯამში საუბარია 600-ზე მეტ სიმღერაზე. გარდა ამისა, Universal-ი მიიღებს ყველა შემოსავალს მომავალში სტინგის ნამუშევრების ნებისმიერი გავრცელებიდან.
