ენდრიუ გარფილდის თქმით, Spider-Man: No Way Home-ის მსახიობებმა, ტობი მაგუაირმა და ტომ ჰოლანდმა, ოსკარის ნომინაცია, რომელიც მან Tick, Tick... Boom-ში როლის შესრულებისთვის მიიღო "ძალიან თბილი ტექსტით" მიულოცეს.

"ტომისგან და ტობისგან მე ძალიან, ძალიან თბილი ტექსტი მივიღე. სპაიდერმენები დღეს ერთმანეთს ყველაფერში მხარს ვუჭერთ და ეს ძალიან სასიამოვნოა", — ამბობს გარფილდი ახალ ინტერვიუში.

ჯერ კიდევ გასული წლის დეკემბერში ტომ ჰოლანდმა აღინიშნა, რომ სპაიდერმენებს საეთო ჩატი აქვთ, რომელიც დღემდე აქტიურია."დროდადრო ერთმანეთს ვეხმიანებით და 1-2 საათი ვსაუბრობთ. ყოველი დიალოგი კი მთავრდება სიტყვებით: "მიყვარხართ, ბიჭებო". ჩატში Spider-Man: No Way Home-ის რეკორდზეც ვისაუბრეთ და ეს ყველაფერი ძალიან სახალისოა, მიხარია ამ ბიჭების გაცნობა", — განაცხადა ჰოლანდმა.

ენდრიუ გარფილმა ოსკარის ნომინაცია 2021 წლის მიუზიკლისთვის, სახელად Tick, Tick... Boom, მიიღო. გარფილდი დრამატურგ ჯონათან ლარსონს განასახიერებს და მიუზიკლი ამ ადამიანის ცხოვრებისა და მოღვაწეობის შესახებ მოგვითხრობს.

ენდრიუ გარფილდი 2016 წლის ფილმისთვის, სახელად Hacksaw Ridge, ოსკარის ნომინაციაში ადრეც დაასახელეს. ასე რომ, გარფილდისთვის წლევანდელი ოსკარის ნომინაცია უკვე მეორეა.