ცნობილმა ამერიკულმა ჯგუფმა Red Hot Chili Peppers ახალი ვიდეორგოლი გამოუშვა სიმღერაზე Black Summer. ამის შესახებ Rolling Stone-ი წერს.

გამოცემის ინფორმაციით, ვიდეოს რეჟისორი დებორა ჩოუა. სიმღერა ჯგუფის ახალ, მე-12 ალბომში Unlimited Love შევა, რომელიც 1-ელ აპრილს გამოვა. Black Summer RHCP-ს პირველი კომპოზიციაა ჯგუფში გიტარის ჯონ ფრუშანტეს დაბრუნების შემდეგ. ბოლო ვიდეო, რომელიც ჯგუფმა მასთან ერთად გადაიღო 2007 წლის რგოლია სიმღერაზე Hump de Bump.

ფრუშანტეს ჯგუფში დაბრუნების შესახებ 2019 წლის დეკემბერში გახდა ცნობილი. ეს ფრუშანტეს უკვე მეორე დაბრუნებაა Red Hot Chili Peppers-ში. პირველად მან ჯგუფი 1992 წელს დატოვა და 1998-ში დაბრუნდა. 10 წლის შემდეგ კი ისევ განაცხადა წასვლის შესახებ იმიტომ რომ „მისმა მუსიკალურმა ინტერესებმა სხვა მიმართულება მიიღო“.

ჯონ ფრუშანტე Red Hot Chili Peppers-ში 1988 წელს მივიდა. მასთან ერთად, ჯგუფმა ჩაწერა ისეთი ცნობილი და წარმატებული ალბომები, როგორებიც არის: Blood Sugar Sex Magik (1991), Californication (1999), By the Way (2002) და Stadium Arcadium (2006).